Estimular a creatividade dos mozos e promover entre eles o emprego do galego. Eses foron os obxectivos principais do obradoiro de rap que se levou a cabo en Outes, organizado polo Servizo de Normalización Lingüística.
A acción formativa tivo como mestres a Pablo Castiñeira e ao rapeiro Risk (do colectivo Vella Escola), que desenvolveron cos participantes técnicas para encaixar rimas ou escribir e interpretar cancións.
Os rapaces que se deron cita na praza do Bosque tamén tiveron ocasión de compoñer colectivamente algunhas estrofas para despois entoalas.
O concelleiro de Cultura, Xosé Manuel Ramos, indicou que o goberno local pretende contribuír a que a mocidade dispoña de alternativas de lecer que sexan do seu interese.
Fonte: La Voz de Galicia (05/07/2020)
Ver nova completa en:
Máis información sobre talleres de Rap en: www.vellaescola.com
