Hoxe os da Vella Escola (Asten) comezamos coa fase 2 do acondicionamento mural do teito do Belén Artesanal de Valga. A pintura completará a paisaxe aportando un ceo anubrado co sol caendo tralas nubes, todo baixo a textura do spray.
O ano pasado pintamos o teito da parte traseira do Belén aportando un ceo cheo de estrelas, constelacións, planetas… e unha paisaxe en profundidade na que se aprecian as montañas e os ríos baixo a luz da lúa.
Subimos unha foto dun cachiño da fase 1 realizada o ano pasado.
