A Asociación Vella Escola e a ONG Manos Unidas organizan para o vindeiro domingo 6 de outubro en Noia unha xornada "Cultura Urbana pola Igualdade", na que se desenvolverán diferentes traballos relacionados con esta subcultura xuvenil. As actividades terán lugar na alameda de 16:00 a 20:00 horas. Entre as actividades programadas atopamos diferentes traballos para iniciarse na práctica do Skateboarding, Graffiti, Beatbox e mesmo Turntablism (Dj). Por outra banda, tamén haberá dúas exhibicións, unha de Breakdance ao final da xornada, e outra de Graffiti no campo de fútbol ao longo de todo o día.