Taller de Tattoo

A arte da tatuaxe consiste en alterar a cor da pel, de forma temporal ou permanente, aplicando un deseño, patrón, figura ou texto. As tatuaxes son unha práctica que serve para identificar diferentes culturas, pero tamén están ligadas ás tendencias da moda actuais, proporcionando un elemento único e distintivo a quen leva esta arte nos seus corpos. Neste obradoiro, afondaremos no mundo da tatuaxe para coñecer os diferentes estilos, a maquinaria e as ferramentas que se empregan nesta práctica, así como as técnicas aplicadas no proceso de tatuaxe. Os participantes practicarán individualmente sen agulla e, posteriormente, baixo supervisión, cunha agulla sobre pel de laranxa.