Do 8 de setembro ao 6 de outubro os da Vella Escola achegamos actividades de Cultura Urbana e Hip Hop en formato taller ao CC. A Laxe de Vigo (Galicia), abertas a tódolos públicos e totalmente de balde enmarcadas dentro do evento Urban Fest.

Se che gusta a Cultura Urbana e o Hip Hop e tes máis de 8 anos poderás participar nos talleres programados achegándotee ao centro comercial e preguntando no punto de información. Podes consultar o calendario de actividades a continuación:

PROGRAMACIÓN:

• Venres 15 de Setembro ás 18:30 h. – Parkour (Idade mínima 10 anos): O parkour é unha disciplina que consiste en desprazarse dun punto a outro o máis fluído posible, usando principalmente as habilidades do corpo humano, o que supón superar obstáculos que se presentan no percorrido tales como muros ou paredes.

• Venres, 22 de Setembro ás 18:30 h. – Rap (Idade mínima 8 anos): No taller de Rap, aprenderemos a escribir e interpretar versos e coñecer as figuras literarias da nosa terra.

• Venres, 29 de Setembro ás 18:30h. – Turntablism DJ (Idade mínima 8 anos): É unha disciplina musical practicada polos DJs de hip-hop, que consiste en manipular manualmente os discos de vinilo sobre o prato de giradiscos para xerar, mediante diferentes técnicas, novos sons e melodías.

• Sábado, 30 de Setembro ás 18:30h. – Tattoo (Idade mínima 12 anos): Penetrarémonos ao mundo do Tattoo para coñecer os diferentes estilos, a maquinaria e utensilios utilizados nesta práctica e as técnicas aplicadas no proceso de tatuar facendo prácticas individuais sen agulla e posteriormente de maneira supervisado con ela sobre unha pel de laranxa.

• Venres, 6 de Outubro ás 18:30h. – Breaking (Idade mínima 8 anos): A práctica de Breaking fomenta o espírito de superación persoal, mellora a autoestima e estimula a creatividade ofrecendo a posibilidade de expresarse libremente a través de movemento.

MÁIS INFORMACIÓN EN: https://alaxecentrocomercial.es/urban-fest-el-festival-mas-alternativo-de-septiembre-que-no-te-puedes-perder-en-a-laxe/

MÁIS ACTIVIDADES DE CULTURA URBANA EN GALICIA: https://vellaescola.gal/

#ActividadesCulturaUrbanaGalicia